Marrja e Abdesit Të merret ngadalë sipas mundësive të mos harxhohet shumë uji, dhe pa ndihmen e huaj.

Pastërtia Të jetë i pastër trupi, rrobat, vendi ku do të falemi.

Mbulesa Të mbulohen pjesët e turpshme të trupit: Tek meshkujt ne kushte të vështira (mos pasuri), obligohet të mbulohet prej kërthizës e deri nën gjunjë. Tek femrat të mbulohet i tërë trupi për pos shuplakave dhe fytyrës deri në bilizik dhe deri në zogjt e këmbëve.

Drejtimi kah Kiblja Kiblja është në drejtim të Mekkes-Qabes. Për atë që e sheh ndërtesën e Qabes drejtohet kah ajo, e të tjerët orientohen me mjete speciale të cilat po munguan përdoret logjika e shëndoshë.

Koha e përcaktuar Nuk lejohet falja e namazit para kohës së caktuar.

Të bëhet nijeti P.sh. Vendosa ta fal namazin e... për hirë të Allahut xh.sh., u ktheva kah kiblja Allahu Ekber.

Tekbiri Iftitah (fillestar) bëhet kështu: Tek meshkujt.- duke i ngritur duart lart, preken të butat e veshëve me gishtërinjt e mëdhenj duke shprehur fjalën Allahu Ekber, lidhim dorën e djatht mbi të majtën ashtu që gishti i madh dhe i vogli i dorës së djatht e mbështjellin krahun e majt, dhe lidhemi pak më poshtë kërthizës. Tek femrat.- Duart ngrihen deri tek supet e krahëve duke shprehur fjalën Allahu Ekber dhe vëndojm dorën e djatht mbi të majtën dhe i vëndojm mbi krahëror.

Kijami (Qënrimi në këmbë) Qëndrimi në këmbë është obligim për çdo musliman e muslimane për veç atyre që për shkaqe shëndeti nuk munden. Të tillët munden të falen ulur, shtrirë apo në çfar pozite është më lehtë për ta. Kiraeti (Leximi i Kur`anit) Duhet lexuar një ajet të gjatë apo tre të shkurt ose një sure.

Ruku (Përkulja e trupit në Namaz)

Meshkujt.- Vëndojn duart mbi gjunjt e tyre dhe duhet shiquar në vendin e sexhdes. Femrat.- Vëndojn duart pak më lartë se gjunjt dhe shiqimi qëndron në majen e gishtërinjve të këmbës dhe thuhet 3 herë Subhane Rabijel Adhim (I lartësuar është Zoti im i Madhi)

Sexhde (Lëshimi i ballit në tokë)

Në këtë rast thuhet 3 herë Subhane Rabiel Eala (I lartësuar është Zoti im më i Madhi) Në këtë rast duhet që balli, hunda, shuplakët e duarve, gjunjt dhe majet e gishtërinjve të këmbës të prekin mbi sipërfaqen e tokës.

Kadei Ehire (Ulja e fundit)

Qëndrimi në këte pozitë është i obligueshëm deri sa të lexohet Etehijati.